Pila ka aktibidad sang Comelec, maatrasar bangud sa pagpa-isol sang filing sang certificate of candidacy

Iloilo City–Ma-atrasar sang isa ka semana ang pila ka aktibidad sang Commission on Elections para sa 2019 midterm elections sa pag-reset sang schedule sa filing sang certificate of candidacy.

Suno kay Comelec 6 Asst. Director Tomas Valera, lakip sa ma-apektuhan ang filing sang disqualification cases kag pagpa-imprinta sang mga balota. Apang kumpiyansa si Valera nga malagas sang Comelec ang deadline bangud naanad na sila sa pabag-o bag-o nga schedule.

Gin-reschedule sang Comelec sa Oktubre 11 tubtub 17 ang COC filing halin sa Oktubre 1 tubtub 5 matapos nagpasar sang concurrent resolution ang Kamara nga nagapostpone sang amu nga aktibidad. (AGB)