45 ka pamilya halin sa island barangay sa Guimaras, temprano pa nga gin-evacuate bangud sang mabaskug nga hangin

Guimaras–45 ka pamilya ang gin-evacuate halin sa Sitio Unisan, Barangay Guiwanon, Nueva Valencia bangud sa mabaskog nga hangin.

Suno kay Municipal Disaster Risk Reduction and Management Officer Loren Gallarda, halin sa island barangay sang banwa ang mga evacuees.

Duha na ka adlaw nga nag-evacuate ang nasambit nga pamilya halin sa isla kag temporaryo nga naga-tiner sa Cabalagnan Elementary School.

Apektado ang mga pumuluyo kon tuman ka baskog ang hangin dugang pa ni Gallarda. Ginpasiguro man ni Gallarda nga mahatagan sang pagkaon kag mga kagamitan ang mga evacuees.

Pasugtan lang nga makabalik ang mga evacuees sa ila lugar kon mag-ayo na ang panahon. (AGB)