Iloilo — Ginatutukan sang Regional Disaster Risk Reduction and Management Council ang mga flood-prone kag landslide-prone areas sa rehiyon sa paglaslas sang Bagyo Ompong sa Luzon apang magadala sang pag-ulan sa Visayas bangud sa enhance Habagat.

Base sa record sang RDRRMC, mataas ang porsyento sang pagbaha sa Zarraga, Pavia, Dumangas, Leganes, Barotac Nuevo, Pototan, Dingle, San Enrique, Calinog kag Passi City.

Flood-prone man ang lima ka banwa sa Guimaras, 10 ka banwa sa Aklan, 10 ka banwa sa Antique, siyam ka banwa kag Roxas City sa Capiz, anum ka banwa kag apat ka syudad sa Negros Occidental.

Suno naman sa Mines and Geosciences Bureau 6, landslide-prone areas ang Leon, Tubungan, Igbaras, Miag-ao, San Joaquin, Maasin, Janiuay, Calinog, Lambunao kag Alimodian sa Iloilo; lima ka banwa sa Guimaras; 10 ka banwa sa Aklan; 10 ka banwa sa Antique; siyam ka banwa kag Roxas City sa Capiz; pito ka syudad kag tatlo ka banwa sa Negros Occidental. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply