Pagrelieve sa iban nga opisyal sang PRO 6, wala nadayon

Iloilo City — May pagbag-o sa relief order nga una ginpaguwa ni Police Regional Office 6 Director Chief Supt. John Bulalacao.

Indi madayon ang pagsaylo kay Guimaras Police Provincial Office Director Senior Supt. Julio Gustilo sa Regional Personnel Holding and Accounting Unit kag magapabilin ini sa daan nga assignment.

Ginpromote naman suno kay Bulalacao si Senior Supt. Samuel Nacion nga una na ginsaylo sa Regional Headquarters Support Group apang gin-assign subong sa Campo Crame bilang Executive Assistant sang Chief Directorial Staff.

Wala man madayon si Supt. Roderick Minong, anay head sang Regional Mobile Force Battalion, sa Guimaras PPO bangud ginsaylo ini sa Region 4-b bilang head sang Comptrollership Division.

Nagpungko nga OIC sang RHSG si Supt. Alexander Rosales, si Supt. Leo Batiles ang OIC sang RMFB kag si Chief Inspector Christopher Candelario ang OIC sang RPHAU. (JoMaque)