Iloilo — Naglab-ot sa 155 ka pamilya ang gin-evacuate halin sa Antique, Guimaras kag Negros Occidental bangud sa epekto sang Bagyo Ompong sa Western Visayas.

Base ini sa record sang Office of the Civil Defense 6.

Suno kay OCD 6 Director Jose Roberto Nuñez, ginpatuman ang preemptive evacuation sa mga residente nga naga-istar sa mga flash flood and landslide prone areas.

May narecord man ang OCD nga landslide sa San Remigio, Antique.

Samtang, wala pa nakita ang mangingisda nga ginreport nga missing sa Gigantes Island.

Padayon suno kay Nuñez nga ginapangita si Carlos Malaga sang Barangay Asluman ukon Gigantes Norte sa Carles.

Wala naman suno sa iya sang narecord nga casualty sa bug-os na rehiyon. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply