Bag-o nga power distributor, nag-apply sang franchise sa syudad suno kay Councilor Joshua Alim

Iloilo City–Ginconfirmar ni Councilor Joshua Alim nga may kompaniya nga interesado mangin franchisee para mag-distribute sang elektrisidad sa siyudad.

Suno kay Alim, may gin-file nga hagna sa kongreso si Congressman Gus S. Tambunting may kaangtanan sa application sang Monte Oro Resources & Enery ukon MORE agud mangin power distributor sa Iloilo City.

Si former Congressman Atty. Rolex Suplico ang nagpahibalo kay Alim angut sa application para sa franchise sang MORE.

Sa impormasyon sang konsehal, naga-engage sa mining ang MORE apang nagsulod na sa power distribution.

Sa nahibaluan ni Alim, nakalibot na sa syudad ang MORE kag ginlantaw ang pag-operate sang Panay Electric Company. (AGB)