Sara, Iloilo–Plano nga magpadalagan nga alkalde sa Sara si retired Major General Jon Aying, former division commander sang 3rd Infantry Division sang Philippine Army sa Jamindan, Capiz.

Ginconfirmar ini ni Aying, 56 anyos, apang makonsulta pa siya sa mga pumuluyo kag grupo sa banwa. Suno kay Aying, luyag niya nga makaserbisyo sa mga pumuluyo nga nagatulod sa iya nga magpadalagan agud mapa-ayo ang sitwasyon sa Sara.

Ginpahayag ni Aying nga madugay naman nga nagserbisyo sa Sara ang mga Salcedo kag nakita man ang sitwasyon subong sang banwa nga madamo sang dapat i-improve.

Nagpauli sa Sara si Aying matapos nga nagretiro sa serbisyo sang Disyembre 31, 2017. 38 ka tuig ini nga nagserbisyo sa Philippine Army.

Nagtukod siya sang civic group nga 4KS ukon Katilingban sang Katarungan, Katawhayan kag Kauswagan sang Sara nga nagatutok sa values formation, pagpabaskug sang komunidad, humanitarian assistance kag community outreach kag makaduha ka beses na nga naghimo sang medical mission sa nagkalain-lain nga barangay.

Mahibaluan suno kay Aying ang iya desisyon isa ka semana antes ang filing sang certificate of candidacy. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply