Mga salakyan nga illegal nga naga-park sa syudad, itapok ni Mayor Joe Espinosa sa Ajuy kag Sara
Iloilo City – Nagpamahug si Mayor Joe Espinosa nga ibutang sa Ajuy kag Sara ang mga salakyan nga ilegal ang pag-park sa syudad.
Ginhimo ni Espinosa ang pahayag sa flag ceremony sang City Hall kaina sang aga, Setyembre 17.
Gin-ako ni Public Safety and Transportation Management Office (PSTMO) Head Jeck Conlu nga 60% sang mga nagakadakpan sang traffic enforcers kada adlaw ang illegal nga nagapark sang ila salakyan sa dalanon sa syudad. May madamo nga violators sa City Proper, Molo, Jaro kag portion sang Lapaz.
Posible rason suno kay Conlu sang illegal parking ang manubo nga multa sang violator. (JoMaque)