Iloilo City–Ginbuy-an sang mga pulis ang duha ka menor de edad nga gindakup matapos gintudlo nga nangholdap sang taxi driver sa Mandurriao kahapon.

Ini matapos ang intervention sang DSWD upod ang ginikanan kag guardian sang mga menor kag kapulisan.

Nagdesisyon man ang taxi driver nga indi na magpasaka sang kaso sa duha ka suspek.

Sa reklamo sang driver sang Melvin taxi nga si Pepito Ttamon sang Concepcion, City Proper, nagsakay sa Megaworld ang duha ka menor kag nagpadul-ong sa Westwood Subdivision sa Dungon C, Mandurriao.

Pero pag-abot sa subdivision, ginpalibot-libot sang duha ka pasahero ang taxi kag pag-abot sa bakante nga lote, nagdeklarar sang hold-up.

Napilasan sa kamot ang driver matapos sini ginwakli ang kutsilyo sang mga suspetsado. Nakuha sang duha ang P1, 500 nga koleksyon sang driver kag madasig nga nagpalagyo apang nadakpan sa follow-up operation. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply