Pag-review sang CCTV Ordinance sang syudad, ginaduso sang police official para sa madasig nga pagsolbar sang mga krimen

Iloilo City–Ginrekomendar ni anay Iloilo City Police Office (ICPO) Director kag subong hepe sang Regional Personnel Division sa Police Regional Office 6 PSSUPT Henry Biñas ang pag-review sang CCTV Ordinance sang syudad.

Sa dialogue sang City Council sa mga opisyal sang ICPO, ginpahayag ni Biñas nga mas mahapos ang pagkilala sang mga suspek sa krimen kag mahibaluan ang natabu kon may CCTV cameras. Sa subong suno sa iya, may mga CCTV cameras na sa lain-lain nga lugar apang pila diri ang wala naga-function ukon indi maayo ang kalidad gani blurred ang kuha.

Ginpatawag ang dayalugo bangud sa sunod-sunod nga pagpangtiro sang motorcycle-riding suspects kag kalabanan sa mga biktima ang Tokhang surrenderers.

Gin-ako naman ni Biñas nga wala pa nasolbar ang mga kaso bangud wala nakilala ang mga suspek. (AGB)