Iloilo City — Napatay samtang ginabulong sa ospital si Kyla Manaay, 7 ka tuig matapos naaksidente ang ginasakyan nga tricyle sang iya pamilya sa Brgy. Mali-ao, Leon kagab-i, Setyembre 23.

Ginkumpirmar ini ni PO2 Edzel Edlang, imbestigador sang Leon Municipal Police Station matapos ginpahibalo sang pamilya sang biktima.

Una dire, dead-on-arrival sa ospital si Nenia Verayo, 6 ka tuig sang Kasing-Kasing, Molo.

Pilason naman sanday Arnel Palec, 46-anyos kag driver sang tricycle; Renel Palec, 6 ka tuig; Ellah Varayo, 19-anyos; Frevalyn Dela Llana, 15-anyos; Rosemar Espenetra, 24-anyos kag Mary Jean Espenetra, 45-anyos.

Pauli na ang mga biktima pa-syudad sang naaksidente. Ginpahayag nga nadulaan sang kontrol ang driver sang tricycle kag nakabunggo sa tu-o nga portion sang karsada.

Nagpadulong sa Bucari ang mga biktima para i-selebrar ang kaadlawan ni Nenia. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply