(UPDATE) Councilor Ed Peñaredondo, nagpanindugan nga wala na sang rason agud mag-istorya sa grupo ni Congressman Jerry Treñas

Iloilo City–Wala na sang posibilidad ukon rason nga mag-istorya pa si Councilor Ed Peñaredondo sa grupo ni Congressman Jerry Treñas matapos siya nagsaylo sa grupo ni Mayor Joe Espinosa.

Kasunod ini sang pahayag ni Treñas nga gintuyo ni Vice Mayor Jeffrey Ganzon nga mag-istorya sa konsehal matapos wala nalakip ang iya pangalan sa listahan sang mga konsehal nga yara sa idalum sang grupo sang kongresista. Base ini resulta sang consensus sang 160 ka punong barangay nga nagasuporta kay Treñas.

Suno sa konsehal, nalipat lang ang mga kapitan nga nagasuporta kay Treñas nga siya ang ginasaligan sang kongresista sang ini ang mayor pa sang syudad.

Indi man puwede suno sa konsehal nga mabalik pa siya sa grupo ni Treñas bangud magaguwa nga nagapati siya nga indi siya magdaug kon wala ang kongresista.

Kumpiyansa si Peñaredondo nga bisan diutay lang ang mga kapitan sa grupo ni Espinosa, madamo sang magasuporta sa iya bangud siya ang incumbent mayor. (AGB)