Pototan, Iloilo–Patay ang 56 anyos nga lalaki matapos nakabunggo sa stock pile sa ginakay-o nga karsada sa Barangay Jamabalod, Pototan mga las 11:30 kagab-i, Setyembre 24.

Ginkilala ang biktima kay Efren Perania, residente sang amu man nga lugar.

Suno kay Chief Inspector Ronnie Brillo, hepe sang Pototan Police, nagapapuli na ang biktima sakay sa iya motorsiklo sang natabu ang aksidente.

Ginpahayag ni Brillo nga madulom kag wala man sang early warning device nga ginbutang sa ginakay-o nga karsada.

Gindala sa Iloilo Doctors Hospital si Perania apang napatay alas 5 kaina sang aga bangud sang patal nga pilas sa ulo suno kay Brillo. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply