Iloilo City–Nadulaan sang cellphone ang engineer nga tumandok sang Cebu matapos nga nagkuha sang serbisyo sang commercial sex worker sa isa ka hotel sa syudad.

Suno kay Engineer 1, tatlo sila ka engineers nga nagpadulong sa Iloilo bangud may ara sila nga meeting. Ginpahayag sini nga nagkuha sila sang serbisyo sang tatlo ka commercial sex workers sa balor nga tag-Php2,500 kada isa apang wala na sila nadayon sang isa ka kaupod gani ginpapuli ang duha ka mga babaye.

Sang natapos suno sa iya ang iya isa pa ka kaupod kag si alyas Rose, nagpa-CR ang engineer kag sang nagbalik sa hiligdaan, natukiban nga nadula ang iya cellphone nga nagabalor sang Php25,000. Nangindulaan man si alyas Rose.

Ginpa-track sang tatlo sa ila main office sa Cebu ang nahamtangan sang cellphone paagi sa GPS kag nakita ang lokasyon sa guwa sang hotel. Apang nadula sang ulihi ang lokasyon bangud posible nga ginpatay ang cellphone.

Gintawgan sang tatlo ang bugaw nga nagpatigayon sang tatlo ka babaye apang nanginwala ang mga ini nga sila ang nagkuha sang cellphone sang engineer. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply