Barotac Viejo (Update)- Ginpahayag miembro sang Philippine Marines ang duha ka suspetsado nga nagtiro patay kay retired army Jorem Bañas sa Barangay Santiago, Barotac Viejo pasado alas 5:00 kahapon sang hapon, Setyembre 26.

Ini base sa narecover nga mga ID’s suno kay Chief Inspector Joven Arevalo, hepe sang Barotac Viejo Police Station.

Ginkilala ni Arevalo ang mga suspek base sa ila IDs nga sanday Corporal Jessie Ensilay sang Negros Oriental kag Sergeant Brian Rey Mullot sang Surigao Del Sur.

Una diri, nagpakilala ang duha nga sanday Jolem Jelica kag James Sanchez sang Dumaguete.

Napilasan ang duha matapos nakabalos tiro ang biktima. Lunsay gindala sa ospital ang mga suspetsado.

Nagapati man si Arevalo nga miembro sang guns for hire, ang duha. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply