3 nasamaran sa paglupok sang LPG tank sa kalan-an sa City Proper

Iloilo City–Tatlo ang nasamaran sang naglupok ang LPG tank sa Nick’s Dream Food Haus sa Rizal St., city proper kaina sang aga, Setyembre 28.

Ginkumpirmar ni Fire Chief Inspector Christopher Regencia, City Fire Marshal, nga nasamaran ang crew nga si Janine Janeo, 22-anyos, residente sang Brgy. Gustilo, Lapaz, kag duha ka 13 anyos nga estudyante sang UI Phinma, nga nakalabay sa lugar.

Kapin sa P100,000 ang kahalitan sang paglupok sang LPG tank. Handa man nga magbulig ang tag-iya sang fastfood chain sa mga nasamaran.

Una na nga ginpahayag ni Joanna, isa sa mga crew sa kalan-an, nga matig-ang kuntani ang ila upod sang nagsirit ang tangke sang LPG sang ginbuksan gani nga nagdalagan sila paguwa apang nagsigabong ini makaligad ang pila ka segundos. (AGB)