Capiz–Patay ang abogado sang gintiro sa Culasi, Roxas City mga ala-1 kaina sang hapon, Setyembre 28.

Nagakaun sa karinderya sa tabuk sang galawaran sang ticket sa Culasi Port si Atty. Edel Julio Romero, 50 kag tumandok sang South San Jose, Molo, sang ginpalapitan sang gunman kag gintiro.

Suno kay Supt. Dante Tayco, hepe saSa impormasyon nga nakuha sang Aksyon Radyo, may pilas si Romero sa likod sang ulo nga naglapos sa tunga-tunga sang duha ka kilay. Gindala pa sa Roxas Memorial Provincial Hospital ang abogado apang gindeklarar nga dead-on-arrival.

Base sa nakita sa CCTV footage malapit sa crime scene suno kay Tayco, tatlo ang suspek nga nagapabilin nga at-large.

Nagpadulong sa Roxas City si Romero bangud nagtambung sa hearing sang kaso nga iya gina-uyatan.

Naga-gawad ang iya common-lawn wife sang ticket bangud masakay na sila sa barko pabalik sa Manila sang natabu ang insidente.

‘Background’

Si Atty. Romero ang ginpa-idalum sa Oplan Katok sang Molo police sang Oktubre 3, 2016.

Natukiban nga ranked number 4 high value target level 2 drug personality siya sa listahan sang Molo Police Station.

Si Atty Romero ang abogado ni the late PDEA identified drug group leader Melvin Odicta kag asawa sini nag si Miriam Odicta nga ginpatay sa Jetty Port sa Malay, Aklan sang Agosto, 2016. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply