Ginpanginwala ni Servando Andrin sang San Fernando, Barotac Viejo nga siya ang nagcontact sa duha ka suspek nga nagtiro patay kay retired army Joren Bañas sa Santiago, Barotac Viejo sang Setyembre 26.

Suno kay Andrin, ara siya nagabantay sa iya bata nga tatlo ka bulan sang natabu ang insidente.

Ginpahayag pa sini nga wala siya nagahalin sa ila balay bangud siya ang nagatawo diri kag nagatudlo sa pulo ang iya asawa.

Suno pa kay Andrin, matuod nga may kaso ang mga Bañas batuk sa ila pamilya angut sa duta nga ila ginbakal apang ara na ini sa korte.

Nadalahig sa kaso si Servando matapos gintudlo sang isa sa mga suspects nga mastermind sa krimen.

Ginpasaka ang kaso kagab-i batuk kay Servando kag sa gintudlo gunmen nga sanday Sergeant Brian Mullot sang Surigao del Sur kag Corporal Jessie Ensilay sang Siaton, Negros Oriental, mga miembro sang 5th Marine Battalion Landing Team nga nabase sa Palembang, Sultan Kudarat.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply