Anay Councilor Perla Zulueta, ginbaton na ang tanyag ni Mayor Joe Espinosa nga mangin kongresista sa 2019 elections

Iloilo City — Ginbaton na ni former City Councilor Perla Zulueta ang tanyag ni Mayor Joe Espinosa nga mangin kongresista sini sa 2019 elections.

Suno kay Zulueta, ginhulat lang nila ang pinal nga desisyon ni anay Councilor Lex Tupas bangud ini ang ginalauman sang grupo nga mangin kongresista ni Mayor Espinosa. Sang Mierkules lang suno kay Zulueta naglutaw ang iya pangalan kag kagab-i nadesisyunan nga siya ang mangin kandidato sa pagka-kongresista sa ila linyada.

Gin-istorya ni Espinosa si Tupas kag nagtawag man ang anay konsehal kay Zulueta kahapon agud ipahibalo nga indi siya magpadalagan. (JoMaque)