Leganes, Iloilo–Temporaryo lang ang memorandum of agreement sa tunga sang leganes LGU kag city government angut sa paghaboy sang basura sang banwa sa Calajunan dumpsite sa Mandurriao.

Suno kay Leganes Mayor Jose Romi Marañon, isa lang ka tuig ang ginhingyo nila sa syudad samtang ginahulat nga maaprobahan ang pundo para sa pagtukod sang zero waste facility sang banwa.

Sa masunod pa nga tuig suno sa alkalde ang pundo nga 9 million pesos para sa facility kag ginalauman nga masuguran ang construction sa una nga quarter sang 2019. Kumpiyansa man si Marañon nga matapos nila sa sulod sang 2019 ang amu nga proyekto.

Paathag sang alkalde, ang konsepto sang zero waste facility amu ang pagproseso sang mga basura sang banwa agud mangin reusable items pareho sang mga bangko kag lamesa.

Wala pa sang ideya ang alkalde kon pila ka tonelada kada adlaw ang mahaboy sang Leganes sa Calajunan. Base sa MOA, Php3 kada kilo ang sukot sang city government sa ihaboy nga basura sang Leganes. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply