Barotac Viejo, Iloilo — Patay ang lalaki sang gintiro sang tatlo ka suspetsado sa Barangay General Luna pasado las 3 kahapon sang hapon, Setyembre 29.

Suno kay General Luna Punong Barangay Maeria Analie Abellon, ginkilala ang biktima kay Marconie Jamosin sang amu man nga barangay.

Nagbakal suno sa iya sang isda si Jamosin sa nagalibod apang sang ini ang nakapauli, ginlambatan ini sang tatlo ka lalaki kag gintiro.

Madamu suno sa iya sang pilas ang biktima. May nakakita nga nagdalagan lang ang tatlo ka suspek padulong sa direksyon sang Ajuy pagkatapos sang krimen.

Suno kay Chief Inspector Joven Arevalo, hepe sang Barotac Viejo Police Station, pagtimalos ang ginasundan nila nga motibo sa pagpatay kay Jamosin bangud base sa ila record,  nangin suspek ini sa pagpatay sa ila barangay duha ka tuig na ang nakaligad.

Napreso suno sa iya si Jamosin apang nakapiyansa. Si Jamosin man ang amay sang duha ka bata nga gin-abduct sang armado nga mga lalaki sang nagligad nga tuig apang gilayon man ginbuy-an.

Nagapati si Arevalo nga konektado ang mga nagakatabu tubtub sa pagtiro patay sa biktima. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

0 thoughts on “Lalaki, patay sang ginpaarakan tiro sa Barotac Viejo; 3 ka suspetsado, nakapalagyo”
  1. Maayong aga aksyon radio iloilo. Naga pamati ako sg inyo programa dire sa abroad humalin pa sadto mga 8 ka tuig na ang nakaligad, apang sugod sg 2 ka semana nakaligad sining bulan sept tubtub sa sini nga oras mismo indi ko na mabatian ang inyu programa, palihug paathag sg akon himuon lamang maka-streaming sg inyo radyo estasyon. Salamat

Leave a Reply