Leon Mayor Rolito Cajilig, nagpasalig nga mahingagaw kay-o ang nag-usmod nga porsyon sang taytay sa Barangay Talacuan

Leon, Iloilo–Nagpasalig si Mayor Rolito Cajilig nga hingagawon nga ipatapos sa Provincial Engineer’s Office ang nag-usmod nga porsyon sang taytay sa Barangay Talacuan.

Gin-ako sang alkalde nga madugay na nga may problema ang taytay kag ginakay-o man sang Provincial Engineer’s Office apang posible nga nag-usmod ang semento bangud sang bagyo sang nagligad nga bulan.

Ginreklamo sang mga residente ang amu nga taytay bangud nabudlayan sila kon may lubong bangud nagalibot pa sila sa pihak nga dalan pakadtu sa patyo.

Ginpahayag ni Cajilig nga nagpahibalo na sa iya si Provincial Engineer Gracianito Lucero nga butangan sang temporaryo nga alagyan samtang ginahingagaw nga makay-o ang taytay. (AGB)