(PULSO PULITIKA) Anay City Councilor Perla Zulueta, desidido na magpadalagan nga kongresista sa linyada ni Mayor Joe Espinosa

Iloilo City–Desidido na si anay Councilor Perla Zulueta nga magpadalagan sa pagka-kongresista sa grupo ni Mayor Joe Espinosa sa 2019 elections.

Suno sa anay konsehal, nagdesisyon siya nga magpadalagan sang nakita nga masarangan niya ang obra sa pagka-kongresista kag nahibaluan nga indi na magpadalagan si former Councilor Lex Tupas.

Nagpasalig man suno sa iya ang mga nagasuporta kay Tupas nga masaylo kag mabulig sa iya kandidatura. Gin-ako ni Zulueta nga sa una, nagaduha-duha siya nga magpadalagan bangud retirado na siya kag anum na ka tuig nga wala sa konseho bisan pa nga nagatrabaho siya sa city government.

Wala naman sang problema si Zulueta kon makontra niya sa pagka-kongresista sanday Councilor Joshua Alim kag former Councilor Jamjam Baronda.

Suno sa iya, makahibalo siya magdepensa kag magdala sang mga issue kon disente lang kag indi kutso-kutso. (AGB)