Iloilo City – Nagalaum ang City Council nga maka-intra sa deliberasyon sa Kongreso natuhoy sa pagdesisyon kon sin-o ang hatagan sang franchise agud mangin power distributor sa siyudad.

Suno kay Councilor R. Leone Gerochi, chairman sang Committee on Public Utilities sa Sangguniang Panlungsod, luyag nila nga maka-intra sa deliberasyon agud mapalab-ot ang sentimento sang mga taga-syudad.

Lakip sa gin-authorized sang City Council nga posible ipadala sa deliberasyon amo sanday Mayor Joe Espinosa, Councilors Joshua Alim kag Gerochi.

Duha ang applicants para sa franchise nga ginalakipan sang Panay Electric Company ukon PECO kag ang bag-o nga player nga MORE Minerals Corporation kag wala pa sang may na-aprubahan ang plenaryo sa Kongreso kon kay sin-o ihatag ang franchise.

Ang Kongreso amo ang nagahatag sang franchise kon sin-o man ang mangin power distributor sa isa ka lugar sa pungsod. Manug-expire na ang franchise sang PECO gani nag-apply sila para sa panibag-o nga franchise apang gulpi nga nagtuhaw ang MORE Mineral Corporation kag nag-apply man. (JoMaque)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply