Iloilo City–Konfirmado nga mapadalagan si Councilor R. Leone Gerochi sa iban pa nga mga incumbent councilors sa grupo ni Mayor Joe Espinosa nga nagsumpa sa Nacionalista Party.

Ginbuyagyag ini ni Gerochi matapos nagsumpa sa Nacionalista Party nga partido ni Espinosa kaina, Oktubre 3. Kaupod man ni Gerochi nga nagsumpa sanday Councilors Lyndon Acap, Ed Peñaredondo, Liezl Salazar, Candice Tupas, Mandrei Malabor kag former Councilor Rodel Agado.

Suno kay Gerochi, ini na ang posible nga mangin linyada ni Espinosa nga mapapili nga mayor samtang si anay Councilor Perla Zulueta ang iya kandidato sa pagka-kongresista.

Wala sang problema suno kay Gerochi kon indi mapuno ang linyada sa pagka-konsehal bangud wala man sila sang away sa ila mga kaupod nga mapadalagan sa grupo ni Congressman Jerry Treñas. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply