Loan restructuring program sang SSS, ginpalawig tubtob sa masunod nga tuig

SSS Molo, Iloilo City – Ginpalawig tubtob sa Abril 1, 2019 ang Loan Restructuring Program sang Social Security System.

Ginpanugyanan ni SSS Molo Branch Manager Leila Ferraris ang mga miembro nga temprano mag-apply para sa LRP agud malikawan ang pagdinaguso. Nagalaum si Ferraris nga indi na masulit ang pagdinaguso sang mga nag-apply sa LRP sa deadline sang Oktubre 1 antes liwat nga gin-extend.

Ang Loan Restructuring Program nagadula sang penalty sa loan nga wala mabayaran. (JoMaque)