Iloilo City (UPDATE) – Gina-pabantayan ni Mayor Joe Espinosa sa Quick Response Team sang siyudad ang mga business establishments nga ginpahayag nagalapas sa Executive Order number 146.

Suno sa alkalde, madamo pa ang naga-serbe sang makahulubog nga ilimnon pasado las-2 sang kaagahon nga nadakpan sang team nga nagalibot.

Apat ka business establishments ang una na nga gin-rekomendar sang Public Safety and Transportation Management Office ukon PSTMO nga i-revoke ang business permit nga makapila ka beses na naglapas sa EO–ang Ninja Bar, D’ Stockroom, Empire KTV Bar kag MO2 Ice.

Suno naman kay Norman Tabud, head sang Business Permit and Licensing Office ukon BPLO, tatlo sa apat ka business establishments ang nakapadala sang ila sabat.

Kalabanan sa ila suno kay Tabud, nagrason nga naga-ayo ang mga customers nga mag-extend bisan pasado na las-2 sa kaagahon.

Na-endorso na sang BPLO ang sabat sang mga business establishments sa Mayor’s Office kag City Legal Office para sa pagpaguwa sang pinal nga desisyon batuk sa mga violators. (JoMaque)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply