Lanao del Sur–Lima ka agents sang Philippine Drug Enforcement Agency (PDEA) ang patay sa ambush sa Barangay Malna Proper sa banwa sang Kapai pasado alas-12 kaina sang hapon, Oktubre 5.

Patay sanday Kenneth Tabulo, Kristine Mae Torlao, Lores Joy Amar, Binzo Dipolla kag Diobel Pacinio. Pilason naman si PDEA agent Rachel Gentapanan kag ang non-uniformed personnel nga si Normina Dicay sang Tagoloan MPS nga ginabulong na sa Amai Pakpak Medical Center sa Marawi City.

Sa report ni PCSUPT Graciano Mijares, director sang ARMM Police Office, sakay sa van ang mga biktima pakadto sa Marawi City pagkatapos nga nagtambung sa Anti-Drug Program sang mga drug surrenderers sa banwa sang Tagoloan, Lanao del Sur. Paglabay sa Barangay Malna Proper sa Kapai, gin-ambush ang mga ini sang wala pa nakilala nga armado nga grupo.

Nagapadayon ang hot pursuit operation sa mga suspek. Nagpromisa si Mijares nga resolbahon ang kaso sa labing madali nga tiun. (AGB via DZRH)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply