Iloilo City–Patay ang barangay tanod sang gintiro sang riding-in-tandem sa Barangay Calubihan, Jaro kaina sang aga, Oktubre 5.

Nagatinlo sang iya motorsiklo si Niel Resma sang ginlabayan sang mga suspetsado kag gintiro. May pilas sa ulo ang biktima kag gindeklarar nga dead-on-arrival sa Wester Visayas Medical Center.

Suno kay Elsie Gonzaga, live-in partner ni Resma, nakita niya nga naka-sakay sa motorsiklo ang duha ka suspects nga naka-bonnet. Nakabati siya sang sunod-sunod nga lupok kag nakita nga nagahuray-ad si Resma nga pilason. Wala man suno sa iya sang kaaway ang iya partner.

Ginconfirmar naman sang Jaro police nga  drug surrenderer si Resma nga naga-istar sang una sa Bakhaw, Madurriao. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply