Leganes, Iloilo–Nakapirmahanay na sang memorandum of agreement (MOA) ang Leganes kag ang Iloilo City angut sa pag-ula sang basura sang banwa sa Calajunan dumpsite sa Mandurriao.

Ini ang ginkumpirmar ni Leganes Mayor Jose Romi Marañon kasunod sang ila pagsugod sa pag-ula sang basura sang Huwebes, Oktubre 4.

Nabutang sa MOA ang reciprocity provision nga nagakahulugan nga puwede man makahaboy sang residual waste ang syudad sa tion nga mahuman ang zero waste facility sang Leganes.

Ang city government suno kay Marañon ang nagsuhestyun nga may reciprocity provision ang MOA. Antes sini, nag-aprobar sang resolution ang City Council nga nagahatag sang otoridad kay Mayor Joe Espinosa agud magpirma sang MOA para makahaboy sang residual waste ang Leganes sa Calajunan dumpsite.

Nagtukod naman sang task force si Marañon agud magsegregate sang ila basura antes ihaboy sa Calajunan dumpsite.

Ginapabantayan niya ini sa mga pulis, barangay tanod kag mga job hires agud masiguro nga wala sang pangayaw nga nagabutang sang basura sa plaza sang banwa. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply