Iloilo City–Nagreklamo ang manunudlo sa Iloilo angut sa indi pagbuhin sang husto nga monthly amortization rason nga may nabilin pa nga balayran para sa ila loan sa Government Service Insurance System ukon GSIS.

Suno kay Maam Inday, 2011 sang nag-loan siya sa GSIS kag matapos kuntani ang pagbayad subong nga tuig. Pero nakibot ini sang ginpadal-an siya sang sulat halin sa GSIS nga nagapahibalo nga may balayran pa siya.

Imbes nga Php 2,000 ang iya monthly amortization, Php 946.70 lang ang ginbuhin sa iya kabangdanan may arrears pa siya bisan nga tapos na ang tiun sang iya pagbayad.

Nagsupot suno sa iya ang tag-isa ka libo ka pesos nga kulang sa iya monthly amortization tubtub nga naglab-ut pa sa Php 100,000 iya balayran sa loan sa GSIS.

Bangud sini, napilitan nga mag-loan liwat si Maam Inday para mabayaran ang nabilin sa una niya nga loan. Ginabasol sini sa Department of Education ang problema kun ngaa nagsala ang pagbuhin sa iya suweldo para sa iya monthly amortization.

Nagaproblema si Maam Inday bangud dugang naman ini suno sa iya nga palaligban kag buhin sa iya suweldo. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply