Iloilo City (UPDATE) – Gindala sa ospital si alyas Vic, 28, nga suspek sa bomb threat sa University of San Agustin kag CPU sang Oktubre 4, agud ipa-idalum sa psychiatric assessment.

Una na ginlaragway ni PSUPT. Jonathan Pablito, hepe sang Police Station 1, si Vic nga person with special needs. Magabalik pa buwas, Oktubre 6, sa ospital si Vic.

Ginconfirmar naman ni Pablito nga ginrelease nila si Vic sa DSWD kaina sang kaagahon kag ginturn-over naman ini sa iya ginikanan. Kon madayon gid man nga magpasaka sang kaso ang CPU kag USA, regular filing na ang himuon.

Ginahulat na lang sang Police Station 1 ang mangin desisyon sang CPU. Samtang posible suno sa abogado sang USA nga mafile sila sang kaso.

“PAG-ATHAG”

Gin-athag ni Pablito nga base sa panaysayon ni Vic, gin-ako lang sini ang bomb threat sa CPU kag USA sang Oktubre 4 gamit ang Facebook account nga Abdul Hasser. Naconfirmar nga si Vic ang naga-uyat sang account matapos nga ginpabuksan sa iya sa computer sang Women and Children’s Protection Desk kagab-i.

Ginpanginwala naman ni Vic nga siya ang nagpadala sang bomb threat sa USA sang Oktubre 3 gamit ang Felix Tan nga FB account kag ang ikaduha nga pamahug sa amo man nga eskwelahan sang Oktubre 4 gamit ang Andalmalek al-Ahdal nga FB account.

NOTE: Wala na ginpaguwa sang USA nga may ikatatlo pa nga bomb threat halin sa Abdul Hasser nga FB account bangud na-evacuate na ang mga estudyante sang nag-abot ang mensahe sini. Suno kay Supt. Pablito, ang ginpadala nga mensahe sang Abdul Hasser nga FB account sa USA, kapareho man sa ginpadala sa CPU. (JoMaque)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply