Lemery, Iloilo–Patay ang mag-amay sang gintiro sang ginapatihan lima ka suspetsado mga las-8 kaina sang aga, Oktubre 8.

Suno kay Inspector Ariel Buenavista sang Lemery Police Station, ginkilala ang mga biktima kanday Dexter PeƱalosa, 39 anyos, kag 3 ka tuig sini nga bata nga si Kian sang Brgy. Cabantohan sa amo nga banwa.

Ginpahayag ni Inspector Buenavista nga nagapakadtu sa barber shop sa banwa ang mag-amay sakay sa ila motorsiklo sang ginpahayag ginbangga-an kag gintiro sang lima ka lalaki.

Sa initial nga impormasyon, may duha ka pilas sa dughan si Dexter samtang may pilas naman sa ulo si Kian kag pareho nga dead-on-arrival sa ospital.

May anggulo na nga ginasunod ang Lemery police sa insidente apang indi pa nila masugid bangud sang nagapadayon nga imbestigasyon. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply