Comelec Region 6, handa na sa pagsugod sang COC filing sa Oktubre 11

Comelec VI, Iloilo City–Handa na ang tanan nga field personnel sang Commission on Elections (COMELEC) Region 6 sa pagbaton sang certificate of candidacy sang mga nagahandum magkandidato sa 2019 elections.

Suno kay Atty. Dennis Ausan, Director sang Comelec 6, halos wala na sang problema sa nagahilapit nga COC filing period bangud handa na ang tanan lakip ang mga pormas kag logbooks.

Magasapol pa si Ausan sa mga election provincial supervisors agud hitsuhon ang iban nga butang kag istoryahan ang guidance para sa COC filing.

Lima ka adlaw suno sa iya nga magalawig ang COC filing period halin Oktubre 11, 12, 15, 16 kag 17 halin las-8 sa aga tubtob las-5 sa hapon.

Wala dire nalakip ang Sabado, Oktubre 13, kag Dominggo, Oktubre 14. (AGB)