Small Town Lottery sa probinsya, liwat nga maga-operate subong nga adlaw
Iloilo — Magasugod na sa pag-operate ang Small Town Lottery (STL) sa probinsya subong nga adlaw sa idalum sang bag-o nga operator nga Red Subay Gaming Corporation.
Ini ang ginkumpirmar ni Atty. Romel Duron, legal counsel sang Red Subay Gaming Corporation matapos nakakuha sang franchise sa Philippine Charity Sweepstakes Office (PCSO). Suno kay Duron, duha lang ka draw kada adlaw ang pagahimoon.
Gin-take over sang Red Subay suno sa iya ang daan nga STL office sa Sta. Barbara agud nga maka-umpisa gilayon sang operation.
Apang masaylo man ang STL operator sa tion nga may makita nga alternatibo nga lugar nga accessible para sa tanan.
Una dire, gina-welcome ni Governor Arthur Defensor ang pag-operate sang Red Subay bisan wala ginpasugtan ang iya hingyo nga dugangan ang share sang local government unit ilabe na sa probinsya. (JoMaque)