Iloilo City–Gilayon nga nakalusot ang proposed resolution ni Councilor Plaridel Nava nga nagadeklarar sa pila ka posisyon sa Sangguniang Panlungsod nga bakante.

Gindeklarar nga bakante ang posisyon kag chairmanship sang:

*Floor leader
*Assistant Floor Leader
*Committee on Appropriations
*Committee on Rules, Ordinances, Resolutions, Style, Justice and Legal Affairs
*Committee on Transportation, Energy and Public Utilities
*Committee on Urban Planning, Housing and Land Development, Zoning, Expropriation, Assessment and Land Acquisition

Walo ka konsehal ang nagpabor sa resolution: Jay Treñas, Lady Julie Grace Baronda, Ely Estante, Armand Parcon, Maria Irene Ong, Leila Luntano, Plaridel Nava kag Joshua Alim.

Antes sini nag-deliver sang privilege speech si Nava kag ginpabutyag sini nga nadulaan na ang mayoriya sa konseho sang trust and confidence sa liderato sang incumbent, sitting and current majority floor leader kag assistant sini lakip na ang ila abilidad nga pamunuan ang mga importante nga komitiba.

Gin-islan ni Nava si Councilor Ed Peñaredondo bilang Floor Leader samtang si Councilor Love love Baronda ang nagpungko bilang Assistant Floor Leader tal-us kay Councilor Gerochi.

Ginhatag man kay Nava ang chairmanship sa gintumod nga mga komitiba magluwas lang sa Zoning nga ginhatag kay Councilor Jay Treñas.

Ginkuha kay Peñaredondo ang Committee on Appropriations; Urban Planning Housing and Land Development, Zoning, Expropriation, Assessment and Land Acquisition kag Rules, Ordinances, Resolutions, Style, Justice and Legal Affairs.

Ginkuha naman kay Gerochi ang Transportation, Energy and Public Utilities.

Kasunod sang pagpasar sang resolution ginbuy-an man ni Gerochi ang duha pa sini ka komitiba–Committees on Environment kag Good Government pero wala ini ginpasugtan ni Nava kag ginpanugyanan ang konsehal nga magpasa sang resignation.

Una na ginpaathag ni Nava nga wala sang Espinosa-Treñas factor sa major revamp sa council bangud indi man siya identified sa duha ka pulitiko.

Suno kay Nava, wala sang kinamatarong nga magreklamo ang mga madulaan sang chairmanships bangud ini man ang ginhimo sa ila ni Alim apat ka tuig na ang nakaligad. (AGB/ATT/JV)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply