Iloilo City–Ginkumpirmar ni Councilor Joshua Alim nga mapadalagan siya sa pagka-congressman sa lone district sang syudad sa 2019 elections.

Suno kay Alim, nagdesisyon nga magpadalagan sa mas mataas nga posisyon matapos ang mga konsultasyon.

Gintawag sini nga ‘ALGO NA’ ang grupo nila nga nagakahulugan sang Alim sa pagka-congressman, Dr. Pacita Gonzales sa pagka-mayor kag Councilor Plaridel Nava sa pagka-vice mayor. Halos kompleto na suno sa iya ang ila linyada kag si Nava amu ang in-charge sa pagpili sang ila mga konsehal.

Gin-athag naman sang konsehal nga real opposition ang ila grupo kag indi 3rd force bangud sila ang una nga nag-away kontra sa illegal drugs, panay electric company kag corruption sa syudad.

Sa pamangkot naman kon sin-o kanday former Councilors Jamjam Baronda kag Perla Zzulueta ang mabudlay pierdihon, gin-ako ni Alim nga pareho nga mabudlay kontrahon ang duha bangud pareho nga mabakas, may kwarta kag lunsay incumbent officials ang ila gina-updan.  (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply