Manila–22 ka senatorial aspirants ang nagfile sang certificates of candidacy para sa 2019 elections sa una nga adlaw sang COC filing subong nga adlaw, Oktubre 11.

Nagfile ang mga ini sang COC sa Comelec main office sa Palacio del Gobernador sa Intramuros, Manila.

Pinaka-una nga nagfile si reelectionist Senator Koko Pimentel sang PDP-Laban. Suno diri, temprano pa siya bangud mangin masaku na siya sa iya kasal sa masunod nga semana.

Suno nga nagfile sang COC si singer Freddie Aguilar nga nagapadalagan man sa idalum sang PDP-Laban.

Halin sa Lakas-CMD, nagfile sang COC si Dr. Willie Ong.

Nagfile man si former Makabayan party-list Represenatative Neri Colmenares.

Kalabanan sa mga nagfile sang COC sa una nga adlaw ang nagapadalagan nga independent lakip na ang Ilonggo nga si Carmelo “Mel” Carreon nga masami ginabantayan sa Iloilo City kada COC filing.

Magapadayon ang COC filing sa Oktubre 12, 15, 16 kag 17 halin alas-8 sa aga tubtob alas-5 sa hapon. Wala sang extension sa filing sang COC. (AGB/CNN Philippines)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply