Anay records sang amay nga gintiro-patay kaupod ang iya manug-3 ka tuig nga bata sa Lemery, ginakalkal sang police para magamit sa imbestigasyon

Lemery Iloilo (UPDATE) – Ginatipon na sang mga pulis ang anay record sang amay nga gintiro-patay kaupod ang manug-tatlo ka tuig nga bata sini sa Barangay Cabantohan, Lemery sang Oktubre 8 sang aga.

Suno kay Iloilo Police Provincial Office ukon IPPO PSSUPT Director Marlon Tayaba, ginasundan sang mga imbestigador nga anggulo ang mga anay records ni Dexter Peñalosa, 39 anyos sang Improgo, Sara.

May kaso nga murder kag frustrated murder si Peñalosa apang na-dismissed. Gin-confirmar ni Tayaba nga may apat na sila ka mga persons of interest nga ginatutukan.

Padayon man ang pagpakig-angot sang mga imbestigador sa pamilya sang biktima agud madugangan ang impormasyon nga ila natipon. Nagapati si Tayaba nga ang amay lang ang target sa pagpangtiro sang mga suspetsado kag nadalahig lang ang bata nga si Kian.

Ginpasiguro sang opisyal nga ginapadalman sang mga imbestigador ang krimen agud mahatagan sang hustisya ang kamatayon sang mag-amay. (JoMaque)