Neg. Occ.¬†— Patay ang bag-o take oath nga police officer 1 samtang nagahanas sa Public Safety Basic Recruit Course sa Regional Training Center 6 sa Bakyas, Mansilingan, Bacolod City.

Ini ang ginconfirmar ni PSUPT. Joem Malong, spokesperson sang PRO 6, matapos nag-collapse ang pulis samtang nagahimu sang physical exercise alas-siete sang Oktubre 9 sang gab-i.

Suno kay Malong, gindala pa sa ospital sa Bacolod  City si PO1 Frenz Frades, 22 anyos sang Brgy 8, San Jose, Antique apang gindeklarar nga patay las-11:45 kahapon sang aga.

Sandig sa initial findings, heat stroke kag nawad-an sang oxygen ang utok ni Frades.

Si Frades, kabahin sang 647 ka mga PO1 sang Class Buhawi 2018 nga nag-take oath sang Oktubre 8 sa Camp Delgado.

Ginkasubo sang liderato sang PRO 6 ang natabu kag ginmandu ang imbestigasyon. (AGB/NG)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply