COMELEC Region 6, handa na sa pagsugod sang COC filing – Director Ausan

Iloilo City – Handa na ang Comelec offices sa rehiyon sa pagbaton sang certificate of candidacy nga magasugod subongnga adlaw kag matakup sa Oktubre 17, magluwas lang sa Sabado, Oktubre 13, kag Dominggo, Oktubre 14.

Bukas ang Comelec halin alas-otso sa aga tubtob alas-singko sa hapon kag wala sang extension sa Oktubre 17.

Suno kay Comelec 6 Director Atty. Dennis Ausan, gina-antisipar nila ang pagdinugok sang mga supporters sang mga kandidato. Pero nagalaum si Ausan nga ang mga kandidato ang macontrol sa mga maupod sa ila.

Gin-engganyo ni Ausan ang mga makandidato nga ipakita sa COC filing pa lang nga makahibalo sila magsunod sang instruction. (JoMaque)