Lemery police, may 4 na ka testigo sa pagtiro-patay sa mag-amay; Asawa nga OFW sang biktima, naga-singgitan sang hustisya

Lemery, Iloilo (UPDATE) – Gin-confirmar ni Police Inspector Ariel Buenavista, OIC sang Lemery Police Station, nga may apat na sila ka testigo sa pagtiro-patay sa mag-amay sa Cabantohan, Lemery sang Oktubre 8 sang aga.

Suno kay Buenavista, mangin mabakod ang ila ipasaka nga kaso batuk sa tatlo ka mga suspetsado pinaagi sa mga testigo. Kaso nga double murder ang i-file nila batuk sa mga suspects.

Ibuyagyag sang Lemery police ang pangalan sang mga suspetsado kon ma-file na ang kaso sa masunod nga semana. Isa sa mga testigo suno kay Buenavista ang naka-kilala sa gunman nga nagtiro-patay kanday Dexter Peñalosa, 39 kag Alyas Kian, manugtatlo ka tuig ang edad sang Improgo, Sara.

Nagpahayag pa ang mga testigo nga guns-for-hire ang mga suspetsado.

“Hustisya”

Nakapauli na ang asawa kag iloy sang mga biktima nga si Ellen Peñalosa, OFW nga nagatrabaho sa Hong Kong.

Suno kay Ellen, kun may pagdumot ang mga suspetsado sa iya bana, kuntani wala na gindalahig ang ila bata. Ginlaragway sini ang iya bana nga responsable nga amay kag ginapaminsar lang sini ang puturo sang ila bata.

Nagpanawagan ini sa mga suspetsado nga magsungka na lang sa mga otoridad bangud magguwa gid ang kamatuoran kag mahatagan sang hustisya ang pagpatay sa iya mag-amay. (JoMaque)