Iloilo City (UPDATE) – Disgrasya nga natiruhan ang subject sang drug buy bust operation sang gin-agaw sini ang pusil sang pulis sa Barangay Sambag, Jaro kahapon sang aga, Oktubre 10.

Base sa record sa Lapaz Police Station, ginhimo sang City Drug Enforcement Unit ang transaksyon kanday Rex Gustilo Jr, 24, kag Robert Begafria, 18, nga lunsay residente sang Sambag, Jaro.

Ginpahayag nga alas-11:40 kahapon sang aga sang nahuman ang transaksyon sa Luna Street sa Lapaz antes sila nakalab-ut sa Sambag sa diin nabaklan sang duha ka sachets sang suspected shabu ang subject sa balor nga P1,000. Apang sang namulalungan nga pulis ang ka-transaksyon, ginpahayag nga gintuyo ni Gustilo nga agawon ang pusil ni PO3 Melbert Niño nga naglupok kag naigo sa tuo nga tiil si Gustilo nga gindala sa WVSU Medical Center.

Arestado ang status nanday Gustilo kag Begafria.

Una na ginpahayag sang tiya ni Gustilo nga sakay sa pick-up nga pula ang suspek sa pagtiro sa iya hinablos kag may back-up nga motorsiklo nga may sakay nga duha ka tawo. Apang suno naman sa solterito nga nakakita, sakay sa motorsiklo ang nagtiro sa biktima nga may tabon sa guya kag may back-up nga duha pa gid ka iban nga sakay man sa tagsa nila ka motorsiklo kag lunsay man armado. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply