Camp Delgado, Iloilo City–Gina-asikaso na sang Police Regional Office ukon PRO 6 ang bulig kag mga benepisyo sang Police Officer 1 nga bag-o lang take-oath apang napatay samtang nagahanas sa Regional Training Center 6 sa Bakyas, Mansilingan, Bacolod City.

Ini ang ginpasalig ni PSUPT Joem Malong, spokesperson sang PRO 6, kasunod ang paglab-ot sa pamilya agud maproseso ang mga kinahanglanon nga dokumento sa pag-release sang mga benepisyo.

Suno kay Malong, gina-usisa pa niya sa Finance Division sang PRO 6 ang makuha nga benepisyo ni PO1 Frenz Frades, 22 anyos sang Brgy. 8, San Jose, Antique, nga napatay duha ka adlaw lang matapos nagtake-oath.

Una na ginmandu ni PRO 6 Director PCSUPT  John Bulalacao nga imbestigaran agud ma-athagan ang tanan angut sa natabu. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply