Iloilo–Pasakaan sang kaso administratibo sang Department of Education-Province of Iloilo ang maestro nga nagbutang sang spy camera sa CR sang classroom sa Sinamay National High School sa Alimodian.

Ini ang pahayag ni Leonil Salvilla, public information officer sang DepEd Iloilo Province, bisan pa nga na-areglo sang maestro ang iya kaso sa mga estudyante kag manunudlo.

Suno kay Salvilla, mapadulong sa eskwelahan ang DepEd investigator agud mag-imbestigar. Hulaton lang suno sa iya ang resulta sang imbestigasyon bangud ila man ini nga i-paguwa.

On-leave suno kay Salvilla ang maestro kag ginhatagan sang tion nga makapreparar kon ipatawag na sang DepEd para sa imbestigasyon.

Nakumpirmar nga iya sang maestro ang spy camera nga ginbutang sa CR bangud nakita sa saved video ang hitsura sini samtang gina-set up ang camera. Wala na naka-report sa eskwelahan ang maestro sugod nga gin-reklamo ini sang Oktubre 4. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply