Iloilo City–Apat ka balay ang naabo kag lima ang partially damaged sa sunog sa Dungon C, Mandurriao kahapon, Oktubre 12.

Suno kay Fire Officer 3 Denmark Macoco, naupos ang balay nanday Jonard Juanico, Julito Juanico, Mitchell Rubite kag Alex Agosto samtang partially burned ang balay nanday Rhea Gallantes, Edgar Agbas, Genjie Gado, Rency Salibio kag Regie Salibio.

Ginpahayag nga nagsugod ang kalayo sa balay ni Jonard Juanico. Sa imbestigasyon sang Bureau of Fire Protection, naghalin sa gina-welding nga salsalon sa balay ni Genjie Gado ang baga nga nagpisik sa balay ni Jonard Juanico gani nag-ibwal ang kalayo.

Wala sang tawo sa balay ni Jonard sang natabu ang sunog. Ginabanta sa P200,000 ang kahalitan sa sunog. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply