Iloilo — Imbestigaran sang Deparment of Education Region 6 ang maestro nga ginreklamo nga nagbutang sang spy camera sa CR sang classroom sa Sinamay National High School sa Alimodian.

Suno kay Leonil Salvilla, public information officer sang DepEd Iloilo province, mapadulong sa eskwelahan ang imbestigador agud matul-id kon ano ang matabu. On-leave ang maestro suno kay Salvilla bangud ginhatagan man siya sang tiun nga makapreparar kon ipatawag sang regional office.

Magadepende sa resulta sang imbestigasyon ang ipasaka nga kaso administratibo batuk sa maestro suno kay Salvilla.

Una na nga ginconfirmar ni Inspector Danilo Noca sang Alimodian Police Station nga indi na mag-file sang kaso ang mga ginikanan  sang nagreklamo nga mga estudyante matapos nga na-istorya ang manunudlo. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply