Alimodian, Iloilo–Natapos na autopsy ang bangkay sang mag-asawa nga ginpatay sa Umingan, Alimodian sang Oktubre 10 sang gab-i.

Suno kay Inspector Danilo Noca, hepe sang Alimodian Police Station, ginhimo ni Dr. Owen Lebaquin, medico legal officer sang PRO 6 Crime Laboratory ang autopsy kahapon, Oktubre 12. Natukiban nga wala lang ginlabu sanday Mamerto Camral, 62, kag Emma Camral, 63, kundi ginpangbuno man ang mga biktima.

Base sa resulta sang autopsy suno kay Noca, patal ang pilas sang pagkabuno kay Emma sa likod kag tiyan samtang pinaka-patal ang pilas sang pagkalabu kay Mamerto sa ulo kag likod.

Posible suno kay Noca nga lain-lain nga hinganiban ang gingamit sa krimen.

Wala pa gid sang identify sang mga suspek ang Alimodian police apang ginasunod na nila nga anggulo ang posible tuyo nga paghold-up sa mag-asawa. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply