MORE Electric and Power corporation, bukas sa pagbaton sang mga empleyado sang PECO kon mangin pinal na ang ila franchise sa power distribution sa Iloilo City

Iloilo City – Bukas ang MORE nga magbaton sang mga empleyado sang PECO kon mangin pinal na ang ila franchise para sa power distribution sa syudad.

Reaksyon ini ni MORE President Rowell Castro sa manifesto sang mga trabahador sang PECO nga luyag nila makatrabaho pa bisan MORE na mangin power distributor.

Ginpanugyanan ni Castro ang mga empleyado nga magsumiter sang application letter sa opisina sang MORE.

Masumiter naman sang mga requirements para makakuha na sang business permit sa syudad ang MORE sa masunod nga semana.

Ang application sang MORE ang gin-endorso sang Kamara sa Senado kag gin-aprubahan ‘in principle’ man sang Senate Committee on Public Services ang franchise. Sa subong, ginatrabaho sang technical working group (TWG) ang smooth transition. (JoMaque)