Iloilo — Arestado sa buy bust operation sang Concepcion Police Station ang tatlo ka nagabaligya sang retail nga gasolina nga ginabutang sa mga botelya sang softdrinks kag gina-display sa higad sang karsada.

Ginkilala ang mga nadakpan kanday Nelson Dela Cruz; Jonar Ariola kag Tita Gabo, lunsay mga residente sang Oñate Street, Barangay Poblacion, Concepcion.

Narecover sa mga nadakpan ang binotelya nga gasolina kag mga container nga may unod nga gasolina, diesel fuel kag krudo, duha ka improvised nga imbudo, hose kag 400 pesos nga buy bust money.

Suno kay Police Major Jonah Galicha, hepe sang Concepcion Municipal Police Station, naghimo sila sang buy bust operation bangud ginadumilian ang pagbaligya sang retail nga petroleum products nga ginabutang sa botelya.        

Ginpasakaan na suno sa iya sang kaso nga illegal filling of petroleum products ang mga nadakpan apang naka-piyansa sang tag-P6,000. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply